న్యూయార్క్‌ అటార్నీ జనరల్‌ ఎన్నికలు.. సరితా కోమటిరెడ్డికి ప్రముఖ పత్రిక మద్దతు!
Advertisement
- సరిత కొమటిరెడ్డికి న్యూయార్క్‌ పోస్ట్‌ మద్దతు
- లెటిషియా జేమ్స్‌పై సరిత రిపబ్లికన్‌ అభ్యర్థిగా పోటీ
- నేరాలు, అవినీతిని అరికట్టడంలో సరిత అనుభవాన్ని ప్రశంసించిన పత్రిక
- సర్వేలో జేమ్స్‌కు 50.7 శాతం, సరితకు 44.7 శాతం మద్దతు
- నవంబరు 3న న్యూయార్క్‌ సాధారణ ఎన్నికలు
Advertisement
న్యూయార్క్‌ అటార్నీ జనరల్‌ ఎన్నికల్లో భారత సంతతికి చెందిన రిపబ్లికన్‌ అభ్యర్థి సరితా కొమటిరెడ్డికి కీలక మద్దతు లభించింది. ప్రస్తుత అటార్నీ జనరల్‌ లెటిషియా జేమ్స్‌పై పోటీ చేస్తున్న సరితకు ప్రముఖ పత్రిక న్యూయార్క్‌ పోస్ట్‌ మద్దతు ప్రకటించింది. శనివారం ముందస్తు పోలింగ్‌ ప్రారంభమైన వేళ ఈ పరిణామం చోటుచేసుకుంది.
పత్రిక సంపాదక మండలి శుక్రవారం సరితకు మద్దతు ప్రకటించింది. ఉగ్రవాదులు, మాదకద్రవ్యాల ముఠాలు, సైబర్‌ నేరగాళ్లపై కేసులు గెలిచిన అనుభవం ఆమెకు ఉందని పేర్కొంది. అవినీతి, మోసాలను అరికట్టి ప్రజలకు భద్రత కల్పించాలన్న ఆమె లక్ష్యాన్ని ప్రశంసించింది. జేమ్స్‌ను రాజకీయ ప్రయోజనాల కోసం పనిచేసే వ్యక్తిగా అభివర్ణించింది.
న్యూయార్క్‌లో నేరాలు తన కుటుంబాన్ని సైతం ప్రభావితం చేశాయని సరిత తెలిపారు. తన కుటుంబ సభ్యుడిపై సబ్‌వేలో దాడి జరిగిందని చెప్పారు. తన స్నేహితురాలు నిద్రిస్తున్న సమయంలో ఆమె పడకగదిలోకి తూటా దూసుకొచ్చిందని వెల్లడించారు. జేమ్స్‌ హయాంలో నగరంలో ప్రజల భద్రత తగ్గిందని విమర్శించారు.
మరోవైపు, సరిత ప్రచార బృందం ప్రస్తావిస్తున్న ఓ సర్వేలో జేమ్స్‌కు 50.7 శాతం, సరితకు 44.7 శాతం మద్దతు లభించింది. అక్టోబరు 8న జరిగిన అభ్యర్థుల చర్చను చూసిన వారిలో సరితకు 81 శాతం, జేమ్స్‌కు 19 శాతం మద్దతు ఉన్నట్లు సర్వే తెలిపింది. అయితే, ఈ సర్వేను జేమ్స్‌ ప్రచార బృందం తోసిపుచ్చింది. అధ్యక్షుడు డొనాల్డ్‌ ట్రంప్‌ మద్దతుతో సరిత పోటీలో ఉన్నారని విమర్శించింది.
జేమ్స్‌ 2018లో తొలిసారి అటార్నీ జనరల్‌గా ఎన్నికయ్యారు. 2022లో రెండోసారి విజయం సాధించారు. ట్రంప్‌, ఆయన సంస్థపై దాఖలు చేసిన మోసం కేసుతో జాతీయ స్థాయిలో గుర్తింపు పొందారు. న్యూయార్క్‌లో ముందస్తు పోలింగ్‌ నవంబరు 1 వరకు కొనసాగుతుంది. సాధారణ ఎన్నికలు నవంబరు 3న జరగనున్నాయి.
పత్రిక సంపాదక మండలి శుక్రవారం సరితకు మద్దతు ప్రకటించింది. ఉగ్రవాదులు, మాదకద్రవ్యాల ముఠాలు, సైబర్‌ నేరగాళ్లపై కేసులు గెలిచిన అనుభవం ఆమెకు ఉందని పేర్కొంది. అవినీతి, మోసాలను అరికట్టి ప్రజలకు భద్రత కల్పించాలన్న ఆమె లక్ష్యాన్ని ప్రశంసించింది. జేమ్స్‌ను రాజకీయ ప్రయోజనాల కోసం పనిచేసే వ్యక్తిగా అభివర్ణించింది.
న్యూయార్క్‌లో నేరాలు తన కుటుంబాన్ని సైతం ప్రభావితం చేశాయని సరిత తెలిపారు. తన కుటుంబ సభ్యుడిపై సబ్‌వేలో దాడి జరిగిందని చెప్పారు. తన స్నేహితురాలు నిద్రిస్తున్న సమయంలో ఆమె పడకగదిలోకి తూటా దూసుకొచ్చిందని వెల్లడించారు. జేమ్స్‌ హయాంలో నగరంలో ప్రజల భద్రత తగ్గిందని విమర్శించారు.
మరోవైపు, సరిత ప్రచార బృందం ప్రస్తావిస్తున్న ఓ సర్వేలో జేమ్స్‌కు 50.7 శాతం, సరితకు 44.7 శాతం మద్దతు లభించింది. అక్టోబరు 8న జరిగిన అభ్యర్థుల చర్చను చూసిన వారిలో సరితకు 81 శాతం, జేమ్స్‌కు 19 శాతం మద్దతు ఉన్నట్లు సర్వే తెలిపింది. అయితే, ఈ సర్వేను జేమ్స్‌ ప్రచార బృందం తోసిపుచ్చింది. అధ్యక్షుడు డొనాల్డ్‌ ట్రంప్‌ మద్దతుతో సరిత పోటీలో ఉన్నారని విమర్శించింది.
జేమ్స్‌ 2018లో తొలిసారి అటార్నీ జనరల్‌గా ఎన్నికయ్యారు. 2022లో రెండోసారి విజయం సాధించారు. ట్రంప్‌, ఆయన సంస్థపై దాఖలు చేసిన మోసం కేసుతో జాతీయ స్థాయిలో గుర్తింపు పొందారు. న్యూయార్క్‌లో ముందస్తు పోలింగ్‌ నవంబరు 1 వరకు కొనసాగుతుంది. సాధారణ ఎన్నికలు నవంబరు 3న జరగనున్నాయి.
Advertisement
